نافذة على القلب

رغم هدوء ليالي الشتـــاء

الا انك تجد [ضجيجاً] داخل قلبك أينما ذهبت..عيونك لاتحكي .. سوى الحزن.تجلس,, وحيدا حائرا ,, بأحزانك محملا بهمومك [وأشجانك]في غرفتك المظلمه ,,لاتسمع سوى ,, صوت وقع [المطر] على نافذتك..!

تتناثر قطرات [المطر ]

بهدوء ورقه وكأنها تهمس ,, في آذاننا بصوت خافت تفاءلوا., مازالت [الحياة] مستمره ومازال ,, الأمل ,, موجودا

مازالت ,,تلك القطرات,, تنهمر وتطرق نافذتك بلطف ,,فتذهب,, لتتأملها ,,عن قرب وتقف,, أمام ,, النافذه.تراقب,, جمال[المطر]فترتسم عليك,,[الابتسامه]وتنسى,, همومك ولو للحظات بسيطه..,وستشعر ,, بالحنين إلى كل شي ,.!إلى ,, [طفولتك]وإلى تلك,, السنوات التي,, مضت,, من عمرك ستحن إلى,, قلوب [افتقدتها]وأحاسيس نسيتها ..!

ستغمض [عيـنيكـ] وتسترجع شريط ..أحلامك.. بحب ستنسى,, كل,, مابقلبك من,, نقاط,,[سوداء]عندما ترى ,,نقاء المطر تذكّر كل ,,صفاتك ,,الجميله التي نسيتها ..بفعل متاعب ..[الحياة]والأوقات القاسيه .. وليالي السهر الحزينه تذكر كل.. ماكنت,, تفعله قبل ان يدخل شعور ’البؤس’ إلى قلبـــك..بسبب حب انتهى ,, أو حلم ..تلاشى أو صدمااات ..اخترقت.. [قلبك]ومنها تشبّع .. وارتوى..تذكّر أنك ..كنت [ رائعـــاً]ومازلت كذلك ..!لكنك نسيت ..نفسك بين,, متاعبك وتركتها ضحية لأحزانك..ولأحقاد غيرك وظلمهم فلا تظلم نفسك,, بأن تقيدها ..بالحزن ألا يكفيها قهر الزمن .. وظلم البشر ..!!

مازال [المطر] ينهمر..ويشتد وقع صوت تلك ,,القطرات على نافذتك فتصحو من أحلامك..! وتشعر بضيف ,,يريد ,,دخول غرفتك تفتح النافذة ,,آذناً لها [بالدخول]فتحتويك تلك الرائحه ..الرائعه التي تغلف,, قلبك [بالحياة]انها "رائحة المطر" ..

هنــــــا أهمـــــس لـك: اجعل من نافذة غرفتك وكأنها... نافذة حياتك واجعل من قطرات المطر... أمــلا واسمح له بالدخول... ليس على غرفتك فحسب بل إلى ... حيــــــــاتك وتفاءل ..عش محباً ,,لنفسك ,,وصادقاً معها،، كي تحب حياتك ,,وتحياها ..بكل معانيها وغلّف بالحــب ,,كل القلوب ..التي تراها اجعل من قلبك ,, وطنــا يحمل حب الآخرين ..ويحمل.. [أحلامك]حتى وان تلاشت تلك القلوب

أو تلك الأحلام .. فلا تنسى قلبك..فمازال وطنــاً ..ماافتقدته سيترك ,, لك بصمات مؤلمه .. لكن استبدلها ,, بحب الناس والحياة..ولاتقتنع بأن القلب مدينة واحده .. بل هو وطن..لكن كن قلباً صادقــاً..انت لاتستطيع أن تزرع وروداً "حمـــراء"في كـــــل ,,القلوب التي ..[تحبهــا]لكنك تستطيع أن تزرع ,, وروداً "بيضــــــــــــاء".حاول ان تجعل بصمة ,, بيضاء في من حولك..وما اجمل أن تبقى بيننا ,, لحظات الزمن الجميله

" مما لامس احساسي"

حَنِّينى الأَيادي

تذكرون لما كنا صغار أمهاتنا يحطون لنا حنه قصعه بإيدنا قبل النوم و يربطونهم علشان نقعد الصبح ايدنا حمره اتينن خصوصا ليلة العيد !!

يا حلو ذيك الأيام ، انا بصراحه ما احب الحنه وايد خصوصا بالشعر ووووووووويع لما تنغسل و تنزل على جسمي تلوع جبدي و اقعد ابجي و اذكر بالشاليه امي ما تخليني انزل البحر إلا لما احط حنه بشعري .

و عقب ما كبرنا و دخلنا المتوسطه ما قمت ارضى احط حنه بإيدي مو ستايل (: عاد تذكرون الكشخه ايام التسعينات

يوم السبت الساعه 7 عقب زوارة اخواني فجاه اشتهيت احط حنه بإيدي شخباري شالطاري طرشت السايق يروح حواي جمعية السره ابي الحنه السريعه اللي اقعد فيها بس ساعه مابي انام فيها و اييب الحنه و اعينها و على الساعه 11 حطيتها بإيدي لي الساعه 1نص الليل طبعا اختي تضحك علي تقولي يا سوفاج حدج قديمه اشلون باجر بتروحين دوامج كاشخه و بإيدج حنه اتفشلين انا بعتها قلت عادي شنو يعني هذا تراث D;

و انا حاطه الحنه بإيدي ادخلت علينا مرت اخوي و انا قاعده بغرفة اختي بوسط فراشها قاعدين انسولف متربعه و مصمكه ايدي جان تقولي اشعندج متحنيه قلتلها باجر عرسي ماتوا من الضحك لووول

و عقب ما غسلتها واااااااو اتونس حمره غامجه اتشوق و حطيت عليها الطيب و شميت ذيج الريحه و S:

و بلعتها غصه و سكت جان تقول مرة اخوي اشرايكم باجر نتغدا بالافنيوز وافقنا

صار من باجر الصبح و انا و قمت من النوم اغسل و يهي و انا لايعه جبدي من ايدي طقتني الحسافه من ريحة الحنه و لما رحت الدوام صرت حديث اليوم عند البنات كل وحده بصوب اتعلق اللي يالقديمه و اللي تقول مغبره و شخباري و انا اقولهم عتيج الصوف ولا يديد البريسم اقص على عمري (:

ولما رحت الافنيوز عقب الدوام عاد صج تحسفت كل من يطالع ايدي خصوصا الشباب صج ستايل قديم يحليلي عاد شكلي ما يوحي حق هالسوالف وكل ما اتكلم و احرك ايدي اشوف الحنه واخترع و اقول حق اختي لا اتخلوني اتكلم علشان ما انفعل و احرك ايدي

و في واحد بستاربكس لمح الحنه بإيدي بس يبي يتأكد و كل ساعه يطالع ايدي مسكين الظاهر عقدته D:

واااااااااي صج ضحك

انصحكم بالتجربه

عِِش بشَكْلٍ مُخْتَلِفْ

من روعة الجمال أن تعيش بشكل مختلف عبّر عن أي شيء تراه تسعد وتتعجب.. تحزن وتستفهم تضحك وتحاكي النجوم.. تبوح وترسم ادمج احساسك بالريشة.. بالقلم.. بالصوت.. بالصورة..وبالاحساس كن ولو للحظات سمعيا بصريا حسيا لتكتشف الجديد.. وتعيش أمام وخلف الكواليس باختصار..بكل المشاعر تعييييش..

*******

افتح سجلك اليومي وحدد مواعيدك مع الأماكن وليس البشر بمنتهى البساطة.. تعيش بشكل مختلف وفي مواعيد الأماكن..عبر كيفما تشاء..أخرج كل المشاعر المكبوتة داخل أروقة القلب وأطلقها للعنان الحياة لاتستحق أن نحرمها من احاسيسنا..ان آثرت الصمت فملامحك ستحكي عنك..فلاتنتظرها.. اسبقها وعبّر..اصنع نفسك لنفسك.. وابتسم..

********

حاكي نفسك وازرع مقولاتك المبهرة على أروقتها وجنباتها وفي كل مكان فيها وان حان موعد الحصاد.. اقطف أروع ثمارك واهدها لقلبك وعقلك..فأنت الأروع والأجمل حين اذن..لأنك مختلف الالوان تتجدد أبيض وأسود.. أحمر وأخضر.. أصفر وأزرق الحياة تتجدد ..فرح وحزن.. ولادة وموت.. سلم وحرب.. رخاء وشدة انظر لمن حولك وابتسم لهم وتذكر عالمك المختلف..

******

*تذكر مواعيدك.. رسم ريشتك.. وصوت تعبيرك ابتسم من الداخل لقلبك..وبإبتسامة مختلفة عن ابتسامتك للآخرين لأنه قلبك.. ليس انفصام أو تخلف بل اختلاااااف..

جنى

واي على جنى !!

اعرفكم عليها بنت اخوي عمرها 3 سنوات ونص اسم الله عليها مصدر سعادتي و شقائي بالبيت /:

جناحي بالبيت قريب من جناح اخوي و جنى وناستها كلها بالليل و يتسلط اخوي يلعب مع بنته و سمعوا الصراخ و الضحك و انا اتقلب بفراشي يا ناس يا هوووو بنام وراي دوام اطلع من غرفتي اروح لهم وانا نص عيني مغمضه و نافشه كشتي اقولهم انتو جيران مزعجين مو خوش ييران و ارجع احاول انام المشكله اني تعودت على صيحتها بالليل يا حلوها

واذا رجعت من الدوام اتغدا و اخذ قيلولة ( حلوه قيلولة كثري منها ) تبدي طقوس جنى هانم تدخل جناحي و تروح غرفة الملابس و تفتح دولاب الجواتي ( وانتو بكرامه ) و تلبس بهالشحاطات و الجواتي و تعالوا سمعوا صوت الكعب على الارض جنه بقلبي يمااااا يمااااا بتذبحني هالبنت اطلع ازفها بس باسها قوي ما تسمع الحجي تتخصرلي و تقول شنو يعني ما البس كعب و اتفاجأ انها حاطه حمره لا و مسخره ( مسكارا ) على قولتها ، اقولها الاخت تنطر ريلها يرجع من الدوام على هالكشخه !! والله سالفة هالبنت مناشبتي بكل شي علبالها كبرها شنو اسوي اتسوي مثلي بالحجي و الحركات وامي تزفني تقول محد مخربها غيرج .

طبعا قلبي ما يتحمل لي زفيتها عقبها اتأسف منها انا اسفه جنى انا احبج بس انتي ليش ما تسمعين كلامي حدها دلوعه تقولي انا جنى تقوليلي جذيه و انا جنى ما تعطيني انتي ما تحبيني مو انا بنتج حبيبتج وانتي ما ترضين احد يطقني ؟ انا اول شي لأ عقبها اعطيها اللي تبي وانا اضحك بعد غصب(ن) علي

وكله مفشلتني اللي صج فشله لي طلعت معاها كله متحرشه بخلق الله و ما تحط عينها ولا تضرب إلا على الحلوين عندها ذوق على عمتها (;

و اذا حاطه ميك آب و حمره اتجابلني جدام الرياييل تقولي انتي حاطه حمره انتي حاطه حمره احقرها ما ارد عليها تزيد بحنتها ما تسكت الا لما اجاوبها اي اي بس عيب الناس يموتون ضحك عليها و اهي اسم الله عليها تختوخه و اتشوق حق البوس

وكله اتناديني لالي اختصار ( دلال ) محد مدلعني غيرها فديتها

مسويه جو بالبيت و كله نجره معاها امي تقول عندنا ياهلين بالبيت واحد عود و الثاني صغير

حتى لي سوت عنقوصين اسوي مثلها D;



احساس الطفولة وايد حلو

الحب الخالد

عِند المَغِيبْ ,,, يُعآنِقُ الشَفَقَ قُرْصَ الشَمس يحِكي بِدآيَة إرْتِدآءُ السَمآء لثَوبٍ جَديْد وتَفآصِيْلُ حِكآيَة عِشقْ !!:تُزيّنُ النُجُوم ثَوبَ المَسآء ,, وينْتَصِفُ القَمر فِي كَبَدِ السمآء ..وتعآنِق خُيُوطُ الليْلَ قُلوبَ عُشّآقِه !! عُشّآق يقْتاتُ الشَوْقُ في قُلُوبِهِم لذَة أُنس لآ تُضآهيهآ لذّة ,,وشَوق لآيَخْبُو

عُشآق يَتقَآسَمُونَ الَليْلَ شوقاً ,, يتلَذذونَ بسآعاته الطِوآل ,,ويَبْكُونَ ذَنْباً ,, ويرْجُونَ عفْواً !!فِي سآعَة تسبِقُ الفَجْرَ حُبّاً !!يَهُزُّ الشَوقْ مَضْاجَعَ النُوّام ,,, فَتَتَجآفَي الجُنُوب عنهاشوْقاً لِمنآجآة الرَحمن ,,,تستَفيْق القُلُوب المُعلّقة “بالقِيآم” ,,و تبْقَى الخآويَة “ نيَآم

ويآ للعُشّآق !! يخْتَلونَ بحبيبِهِم ويُنآجُونَه ,,, ويغْْسِلُ الدَمع صفْحَة قُلُوبِهِم وتجتمِعُ الأكُف فترتَفِع ,, وترتَفِع ,, وترْتَفِع ,, إلحاحاً في الدعآء ,,, ويتمْتِمُ اللّسآن ,, يآرب ... ويخفقُ الجِنآن لهفَة لعَفو الكَريْم المَنّان ,,“ من يدعوني فأستجيْبَ له ,, ِمن يستغْفِرني فاغفِرَ له ” وحينَ يرْحَل الليْل !! يبقَى في عُيُون العآشقِين بَريْقُ الدَمْعِ !!ونَشوَة الليْل المُقفّى بِالفَجْر :

:وفي الليْل ذاته عُشّآق أُخُر لآ يجنَون إلا النَوم ثم النَوم والنَوْم فِي كلِّ ليلَة !!وكلُّ الليآلي فِي أَعْيُنِهِمْ سَوآء

[عُشّآق الليْل أولئِكَ أقَوآم وجَدوا لذّة الأنس بِقُربِ الرَحمن فلَم يُضيِّعُوهآ ولن يُضيّعوهآ !! ..أقْوَآم كُلّمآ طآل ليلُهُم إزدادَت قُلُوبُهُم إنشراحاً !! وأرَواحُهم في إنتشَآء !! فيآ لِلعُشآق ,, يآ للعِشآق !! "تتجافَى جُنُوبُهُم عنِ المَضاجِعِ يدعُونَ ربّهُم خوْفَاً وطَمَعاً ومِمّا رَزقْناهُمْ يُنْفِقُونْ "ممآ راق لي ،،

" دايم السيف "

{ خلقت من أجل حبه}

ذكرى اول سنة حب

عرفته بالصدفه و عجبني اسلوبه و تعامله الراقي و استمرت الايام بينا و انا اعجابي فيه يزيد و اقول فيه رجل بالكويت جذيه لأن اللي اشوفه بين شباب الكويت و اسمعه عنهم انهم ما يفكرون بالحب همهم الوحيد الرغبة الجسدية و الفضايح و اللف و الدوران و الجذب اكيد اصابع الايد مو سوا بس هذا الظاهر بشكل عام ، شباب مهنتهم و شغلهم الشاغل يقعدون بالقهاوي و الفراره بالمجمعات علشان يتصيدون البنات انا ما اتكلم عن شباب 20 و 25 لا اتكلم عن اعمارهم 30 وفوق و ترى البنات مو احسن منهم صايرين مثلهم و اكثر بعد .

ادري طلعت بره الموضوع (:

حبيبي عمره 38 يعني بقمة النضج الفكري و النفسي و الجسدي كامل و الكامل الله اصل و فصل و وظيفه محترمه في مكان راقي وتجارب من الحياة تعلم منها الكثير ، اول ما اعترف بالحب اهو و بصراحه فاجأني بتصريحه انا ما قلت له غير لا تتسرع و طبعا انا ما قلت له اللي بقلبي من كثر خوفي ان تكون نزوه منه وعلاقة عابره ياخذ منها اللي يبي و يمشي و مع الايام لقيت نفسي بدون مقدمات اقول احبك لأن بالفعل ملك قلبي و تفكيري حبيت سوالفه و اسلوبه و المواضيع اللي نتكلم فيها بعيده كل البعد عن الرغبه او اي شي يخدش الحيا حبني لذاتي و اخلاقي

حسيته رجل بكل معنى الكلمه

دلعني و دللني و لا قصر معاي بشي احتواني و عطاني كل العواطف اللي محتاجتها حسيته الرجل الحبيب اللي عشقته و عوضني الاب اللي فقدته بطفولتي و الاخ اللي يخاف علي و يحميني و الصديق اللي يسامرني و ينصحني و يعلمني

احساسي به كرجل فاق كل الرجال ...

خلال شهر حسيت اني اعرفه من سنين عرف كل شي عني ولا عندي شي اخاف واستحي منه عرف اهلي و حياتي اشلون اعيشها و يومي اشلون يمر علي بكل التفاصيل علشانه ابتعدت عن كل الناس و الكل قام يفقدني و يقولي ليش متغيره كنت مابي شي يشغلني عنه حتى رفيجاتي قللت اتصالاتي و طلعاتي معاهم بس علشان اكون له بروحه و اذا احتاجني يلقاني بثواني ، صار اهو محور حياتي و كل شي يدور حوله حتى مزاجي و ضحكتي على حسب مزاجه اشلون صاير .

صرنا بالهوا نسرح و نمرح ...

و بنظرنا صارت الدنيا إنت و أنا ...

كل منا يغلب الثاني بطيبه ...

كل منا أصدق إحساس لحبيبه ...

نعيش و نبضنا دايم يردد :

عسى الله لا يفرقنا

حبه لي زاد ما نقص لكن دوام الحال من المحال بدت التغييرات و الوجهه الثاني يبين ما اقول انه وجهه شرير او كذاب لكن كل انسان له عيوب و زلات و مع هذا عشقت عيوبه مثل ما عشقت مزاياه و اختلافاته . عيبه معاي ان من تجارب الحب و العلاقات الفاشله اللي مر فيها كله في باله اني راح اخطي مثلهم و اني راح اتغير في يوم من الايام لكن والله و ربي علي شاهد اني اشوف الله و اشوف رضاه علي اني اخاف الله فيه و اشتري خاطره محد من الرياييل يترس عيني بعده و لا حتى اشوفهم بنص عين ، انا بنت و اطلع و اشوف و اتعرض حق نظرات اعجاب و تحرش بس ما يهزون شعره من راسي

معاه مافي مشاكل فعليه مثل الشك او الخيانه واللعب او الكذب ولله الحمد فيه ثقه متبادله و احترام ويثق اني لو اكون بين الف ريال ما راح اهتز او يأثرون علي .

حرمني من كلام الحب و الشوق و العشق صرنا نتكلم بالساعات بكل المواضيع عن اوضاع الديره و السياسه و الاقتصاد و حياتنا الاجتماعيه عن اهلي و اهله و عن كل شي الا كلمة ( احبج ) يكتبها بمسج بين كل فتره و اعني بالفتره كل شهر و نص الى شهرين يعني حده حارمني من الكلمه اللي تحتاجها كل بنت بس للأمانه احس فيه يحبني ولا مقصر بإهتمامه فيني والهدايا اللي يقدمهم لي بين كل فتره و الثانيه مما غلا ثمنه لكن احتاج كلمة حب ما يكفي الاحساس احتاج اسمعها و احسها و اشوفها بتصرفاته

لما افكر بيني و بين نفسي ليش ما يقولها لي و حارمني منها القى لها تفسير واحد مايبي يبين اشكثر يحبني علشان ما اتغير عليه و اكون انا اللي دايما بحاجته و لا يبين لي ضعفه و حاجته لي بس مو عيب لي حسيت بحاجته وشوقه لي حتى شوفته علي بالحسره اذا قلتله ابي اشوفك مشتاقتلك يتعذر بأي شي لكن انا قمت اقولها له بطريقه ثانيه اشتريله هديه و اقوله ابي اعطيك شي و صارت حجه لي اني اشوفه بهالدقايق . صارت فيني فقرت كلمه حلوه ابيه يتغزل فيني و يقولي كلام حب و غزل ماقلت كل يوم بس خله ينطق اشوي ادري ان كل يوم احبج احبج احبج ملاقه و ملل ولا راح احس بمعناها من كثر ما اسمعها بس احتاج يحسسني بأنوثني و ان اهو رجلي صار جنه واحد من الربع غشمره و ضحك و نسولف بكل شي الا حبنا !!

يمكن اهو راح يقرا هالكلام و اتمنى ان يفهم كل حرف كتبته و يحس باللي في صدري صار فيني جفاف بالحب انا فعلا مو مقصره معاه اقوله احبك يقولي انزين اقوله قولي كلمه حلوه يرد كلمه حلوه يعني يستحف دمه ):

اشلون اتصرف معاه احيانا اقول كله مني انا اللي بينت له اشكثر متعلقه فيه و احبه بس هذا مو عيب هذا اللي لازم يصير بين كل اثنين يحبون بعض

علموني شسوي ؟!!

مهما سويت فيني راح اظل احبك و انت اللي ترست عيني و قلبي ولا اشوف حياة لي من بعدك